Wargeyska The Econamist oo Warbixin ka Qoray Maalgashiga Imaaraadka ee Somaliland
Wargeyska caalamiga ah ee The Economist ee falanqeeya dhaqaalaha, kana ka soo baxa dalka Ingiriiska, ayaa ka waramay maalgashiga shirkadda DP World ay ku maalgashanayso dekedda Berbera oo ah marso ku taalla bogcad muhiim.
Wakaallada wararka Somaliland ee SOLNA, ayaa soo xigatay Majallada The economist oo warbixin ay daabacday shalay daboolka ka qaaday in dekedda qadiimiga ah ee Berbera lagu wado inay noqoto dekedda ugu ballaadhan madaqada Geeska Afrika, halka xukuumadda imaaraadkuna ay saldhig millatari ka dhisanayso magaalada Berbera.
Warku wuxuu intaas ku daray in 450 milyan oo doolar oo lagu casriyeynayo marsadda Berbera ay noqonayso maalgashigii ugu ballaadhnaa ee Somaliland hesho tan iyo markii ay xornimadeeda dib ugala soo noqotay Soomaaliya.
Wasiir ku-xigeenka Arrimaha dibadda Jamhuuriyadda Somaliland Md. Liibaan Yuusuf Cismaan, ayaa u sheegay majallada The economist in dawladda Soomaaliya aanay xukumin 10km oo ka mid ah dhulkeeda, isla markaana aanay hawaysan karin Somaliland.
Wargeysku wuxuu intaas raaciyey in dawladda isu-tagga imaaraadka carabtu ay dhaqaale badan ku maalgelinayso Somaliland oo aan wali aqoonsi caalami ah ka helin caalamka.
