Tuug Hanti Ka Xaday Bankiyo Isaga Oo Xabsi Ku Jira

Nin musuqmaasuq dhanka Enternetka ah ku mutaystay xabsi , ayaa Hadana Isagoo ku jira Xabsigii ku kacay Xatooyo kale ,Xabsigan oo ku Yaala Magaalo ka mida dalka Nigeria , ayuu Marbuuskani dhacay lacag ka badan 1 malyan oo doolar.

Saraakiisha ka hortagga musuqa waxay sheegeen Hope Olusegun inuu dhacay Markale isagoo ku jira Xabsiga ku Kacay Xatooyo kael oo dhanka Adeega Enternetka ah .

Waxaana ninkaasi la Xidhay 2012-ki isaga oo ay maxkamad ku xukuntay 24 sano oo Xadhig ah xabsigaasi oo ah kan ugu dheer ee dambiile lagu xukumo dalka Naigeria.

Baadhitaan kale oo ninkaasi lagu sameeyey ayaa lagu ogaaday inuu weli ninkaasi helo adeegga internetka.

Warmurtiyeed ninkan ku saabsan oo ay Talaadadi soo saartay wakaaladda u qaabilsan dambiyada dhaqaalaha iyo maaliyadda ee Nigeria (EFCC) waxay sheegtay iney baadhitaankooda ku ogaadeen Hope Aroke oo ku jira xabsiga Legos sida uu weli uu u sii wado falalka uu caadeystay.

EFCC waxay sheegtay wixi ka dambeeyey marki ninkaasi la xidhay 2012-kii in la ogaaday arday wax ka barata Malaysia iney yihiin kuwa dambiyada xagga internetka ee labada qaaradood isaga gudbiya.

EFCC waxay toddobaadkan sheegtay baaritaanka hordhaca ee ay sameeyeen, ay ku ogaadeen in Aroke loo fududeeyey inuu helo adeeg internet iyo taleefankiisa gacanta.

Wuxuuna maxbuuskaasi mudda kooban la dhigay dhakhtar Legos ku yaalla “xanuunkiisa oo aan la ogeyn” wuxuuna fursad u helay inuu adeeg dhammeystiran uu helo, wuxuuna la kulmay xaaskiisa iyo carruurtiisam, dhaqdhaqaaqyada arrimaha bulshada si weyn ayuu uga dhex muuqda.

Wuxuuna nikaasi adeegsanayey magaca Akinwunmi Sorinmade magacaasoo ah mid been ah wuxuuna magacaasi ku furtay akaawun bangi wuxuuna iibsaday guri iyo gaari qaali ah inta uu xabsiga ku jiray, ayey tiri warbixinta EFCCC.

Inta uu bangiga uu ku jirayna lacagaha uu maamulo ee uu diro ama loo soo diro wuxuu uu adeegsanayey Accounno Xaaskiisa ay lahayd.

Saraakiisha u qaabilsan la dagaallanka musuqmaasuqa waxay sheegeen iney hadda baaritaan ku wadaan sababta maxbuuskaasi loo geeyey Isbitaal iyo sababaha keenay inuu huteellada iyo goobaha kale uu booqdo isaga oo maxbuus ah.

Kiiskan ayaa ah mid si weyn uga yaabisay shacabka Nigeria: waxayna isweydiinayaan sababta keentay nin ku jira xabsi ka mid ah xabsiyada dalka Nigeria ammaankiisa aadka loo adkeeyo inta uu maxbuus uu ka soo baxo oo uu si xor ah uu ugu dhaqdhaqaaqo.

Dadka qaar ayaa aaminsan Aroke iney arrimahaasi oo dhan u suuragasheen haddii uu garab buuxda ka helin saraakiisha xabsiga uu ku jiro ugu sarreeya.

Illaa iyo hadda ma jirto cid shaqada looga joojiyey oo uu saameysay kiiska Aroke.

Waxaana sida oo kale weli caddeyn wakaaladda maamusha xabsiyada dalkaasi iney qorsheynayaan iney beddelaan ilaalada iyo mas’uuliyiinta xabsigaasi iyo su’aalo kale ayey shacabka dalka Nigeria isweydiinayaan haddiiba ay maxabiista hantida leh, siyaasiyiinta iyo shaqsiyaadka caanka ah iyagaoo xabsi ku jira haddana ay jilayaan noolashooda caadiga ah oo ay jirin wax xaddideyso.