Wadahadalku macne malaha haddii aan xabbad joojin dhab ah la helin [Burhaan]
Macluumaad yar ayaa kasoo baxaya in si rasmi ah loo ogaado horumarka laga gaaray wadahadalada ay dhex-dhexaadinayso Sacuudi Carabiya ee Jidda kuwaas oo u dhaxeeya Xoogagga ciidamada Suudaan (SAF) iyo Ciidamadda Gurmadka Degdega ah (RSF) kuwaas oo biloowday 6dii may.
hase yeeshee hogaamiyaha SAF Gen Abdel Fattah al-Burhan ayaa Isniintii u sheegay TV-ga Al-Qahera News ee Masar “in aanay wax faa’iido ahi ku jirin in la fariisto miiska wadahadalka ee Sacuudi Carabiya” iyada oo aan la helin xabbad joojin dhab ah.
Gen Burhaan ayaa sheegay in ay soo dhawaynayaan dhamaan dadaalada lagu joojinayo dhiigga daadanaya balse waxa uu hoosta ka xariiqay in RSF ay soo dhiibaan hubkoodda.
Diblomaasi Sacuudiyaan ah ayaa mar sii horreysay u sheegay wakaaladda wararka ee AFP in wadahadallada aanay ka soo bixin “horumar weyn”.
Dhowr Xabbad joojin ayaa la jebiyay tan iyo markii iskahorimaadku uu qarxay 15kii Abriil.
