Dawlad bilaa Reer Nuur ah -waa aqal bilaa Nuur ah(Muuse Biixi oo noqday Gorayooy Gabal kuu dhac)
Tan iyo waagii uu Engriisku dhulkeena xakumayay,Reer Nuur wuxuu ahaa dadka wax ku le talada Somaliland.Habayaraatee waligeed Somaliland lagama dhisisin Dawlad uu Reer Nuur ka maqan yahay,Dawlad aanu Reer Nuur ku jirin Golaha Wasiirada ee ay Somaliland yeelato.Yeelekeedaa waxaa dhacday qarnigan aan joogno ee ay Ummaduhu hore u socdaan inay Reer Nuur ka maqanyihiin Golaha Wasiirada Somaliland ee uu Muuse Biixi Magacaabay.Reer Nuur ugama maqna madasha aqoon la’aan,tiro yari,siyaasad la’aan iyo talo xumo e waxay uga maqanyihiin waxaa weeye;Muuse Biixi ayaa neceb Reer Nuur.Muuse Biixi ayaa u haya xumaan gaamurtay oo ka soo raacday meel ay adagtahay inuu qof maaanta nooli kuu sheego.Mooyaan hadii aad wax baadhbaadho inaad wax ka ogaato meesha nacaybku Odaygan ka soo raacay.Nacaybkan uu Muuse Biixi u hayo Reer Nuur wuxuu sii xoogaystay waagii uu Muuse Biixi ka tirsanaa Jabhadii ,S.N.M ee uu ka ahaa Bakhaarhaya Jabhada.Wakhtigaasi oo ay reer Nuur iyo Ciidankii Snm isla bas-beeleen.Dadku way ka gudbeen arinkaasi iyo dagaaladaasi e waxaa wali xasuusan Muuse Biixi oo ilaa maaanta aad ka arkayso dhaqamadiisa ku salaysan Reer Nuur nacaybka.
“Waxba yaanu xeerkay i marin xoolana i siine,xaashee nin Libin kaa xastiyay xumihii waa yaabe”.
Reer Nuur ,xaq aanay lahayn kama rabaan Muuse Biixi,wax aanay shaqaynsana kama rabaan,karaamo aanay lahayn kama rabaan inuu siiyo,laakiin magacaantii uu warqadaha ku qorqorayay iyo wixii uu malmaluuqayay ee ahaa Wasiirada,Generaalada ,wasiirku xigeenada ee uu soo tiriyay wuu ka reebay Reer Nuur.Waana taariikhda Somaliland markii ugu horaysay ee la dhisay Wasiiro aanu Reer Nuur Ku jirin.Taariikhdani waa mid gashay Diiwaanka Somalida meel kasta oo ay joogto.Ku darso oo dhacodani waxay yeelan doontaa ama ay yeelay saamaynteeda oo Somaliland waxay u muuqataa meel sii dumaysa oo bilaa Nuur ah.Meel Nalkii ka sii bakhtiyayo iyo meel albaabadu u soo xidhmeen.Saa karaamadii Reerka iyo Nuurkiiba meesha way ka maqanyihiin e – eessh-qiyaasaq Muuse Mr Handaraab.
Hangaraarac Lug uma dhitiyo,Reer Nuurna Wasiir ama laba wasiir u dhutinmaayo.
Muuse Biixi hadii uu doonayo inuu meesha sii joogo,hadii uu doonayo inuu Madaxwayne si ahaado,hadii uu rabo inay wax u hagaagaan,dhaqso ha u magacaabo wasiir ama laba wasiir oo ka soo jeeda Beesha Reer Nuur.Tani waa isaga dantiisa iyo danta Somaliland guud ahaanba.Marka uu Reer Nuur xaqiisa helo ayay Somaliland wax helaysaa.Marka uu Reer Nuur wax noqdo ayay Somaliland wax noqonaysaa – waa Jumlad isku xidhan ama isku soohan .Waa – win- win situation.Saa waxbaa u kala socondoona oo Tiriiga ayaa u shidmidoonaa madaxtooyada aad ku hoos caajistay .Waay?Dee dad karaamaysan oo xaqoodu maqanyahay ayaa helaya xaqoodi.Degaanka Dila ayaa Tiriiga laga soo shididoonaa oo -waana meesha Nalka Somaliland ka dansanyahay maanta .Ilaa inta uu degaanka Dila ka dansayahay Nalkuna – adna hadaad Muuse Biixi tahay,waxaa ka dansanaayaya Nalka ama Nuurka.
Wabillahi Tawfiiq
Axmed Aadan Xuseen(Camash)
