Xukuumadda Somaliland oo Xukun Dil ah ku Fulisay Dambiilayaal Muddo Xidhnaa
Somaliland ayaa Maanta oo Khamiis ah waxay xukun dil toogasho ah ku fulisay lix Nin oo hore Maxkamadaha Somaliland dil ugu xukumeen, kuwaas oo Lagu Helay inay dil geysteen.
Lixda Nin ayaa muddo u xidhnaa Somaliland, waxaana Maanta lagu toogtay fagaaro ku yaalla duleedka Xabsiga deegaanka Mandheera gobolka Saaxil,
Iyada oo ay goobjoog ka ahaayeen Ehelada dadka la dilay iyo kuwa wax laga dilay iyo sidoo kale mas’uuliyiinta Maxkamadda Gobolka Saaxil.
Ragga dilka toogashada ah lagu fuliyay maanta ee la toogtay waxaa dilkooda saxiixay Madaxweynaha Soomaaliland Mudane Muuse Biixi Cabdi, kaddib markii xukun lagu riday, waxaana ay kala yihiin Magacyadooda. Sidan hoose ku xusan
1- Yaasiin Maxamed Yuusuf
2-Sharmaarke Sahal Oogle
3-Quulle Maxamed Cilmi
4-Khaalid Cabdi Xaydar
5-khadar Maxamed Warsame
6-Cabdikariim Maxamed Mahdi