Dhegayso: Dawlada Djibouti oo Eedo culus u jeedisay duuliye Fu’aad Yuusuf oo u Xidhan
Dowladda Djibouti ayaa ku eedaysay nin ka tirsan ciidamada cirka ee dalkaasi in uu doonayay in uu diyaarad kala baxsado Djibouti iyo in uu meel ka dhac u geystay Saraakiil ka tirsan ciidanka.
Ninkaasi oo lagu magacaabo Fu’aad Yuusuf Cali ayaa bishii March u baxsaday Itoobiya, hase yeeshee waxaa Djibouti Loo soo gacan-geliyey 20-kii April, sida ay sheegeen mas’uuliyita waddankaasi.
Muuqaal aysan si madaxbannaan u xaqiijin Warbaahintu oo la sheegay in uu xabsiga ka soo dhex duubay Fu’aad Yuusuf ayaa muujinayay isaga oo lagu hayo xabsi xaaladdiisa caafimaad ay aad u liidato. Muuqaalkaasi ayaa kiciyey bannaanbaxyo ka dhacay magaalada caasimadda ah ee Djibouti iyo gobolka Cali Sabiix.
