𝐆𝐨𝐥𝐚𝐡𝐚 𝐖𝐚𝐤𝐢𝐢𝐥𝐥𝐚𝐝𝐚 𝐚𝐲𝐚𝐚 𝐀𝐧𝐬𝐢𝐱𝐢𝐲𝐚𝐲 𝐀𝐣𝐚𝐧𝐝𝐚𝐡𝐚 𝐊𝐚𝐥𝐟𝐚𝐝𝐡𝐢𝐠𝐚 𝟏𝟑𝐚𝐚𝐝, 𝐬𝐢𝐝𝐝𝐨 𝐤𝐚𝐥𝐞𝐞 𝐃𝐨𝐨𝐝𝐚 𝐊𝐚 𝐘𝐞𝐞𝐬𝐡𝐚𝐲 𝐀𝐫𝐫𝐢𝐧𝐭𝐚 𝐆𝐨𝐛𝐨𝐥𝐤𝐚 𝐀𝐰𝐝𝐚𝐥.

Hargeysa, 06 December 2025 Golaha Wakiillada Jamhuuriyadda Somaliland ayaa saaka si rasmi ah u furmay, waxaana fadhiga guddoomiyay Guddoomiye Ku-xigeenka 1aad ee Golaha Wakiillada, ahna Ku-simaha Guddoomiyaha Golaha Wakiillada, Md. Siciid Mire Faarax (Giire). Fadhiga maanta waxa lagu ansixiyay Ajandaha Kalfadhiga 13aad ee Golaha, kaas oo noqon doona jadwalkii shaqo ee Golaha.

Sidoo kale, Golaha Wakiilladu waxa ay yeesheen dood iyo falanqayn ku saabsan arrinta ka soo cusboonaatay Gobolka Awdal, gaar ahaan magaalada Boorama. Xubnaha Golaha ayaa mid-mid uga hadlay xaaladda taagan, iyaga oo muujiyay sida ay Golaha uga go’an tahay ilaalinta nabadda, kala dambaynta, iyo wadajirka qaranka.

Ugu dambayn, Golaha Wakiilladu waxa ay ka soo saareen Go’aan Gole arrinta ku saabsan Gobolka Awdal, kaas oo diiradda saaraya ilaalinta amniga, xoojinta wada-hadalka, iyo in hay’adaha ku shaqada leh ay qaadaan talaabooyinka ku habboon ee lagu xallinayo tabashooyinka jira.