Dagaalka gobolka Amxaarada ee dalka Itoobiya oo la sheegay inuu si xoogeysanayo
Hay’adda Laanqeyrta Cas ee Caalamiga ah (ICRC) ayaa sheegtay in tan iyo bartamihii bishii Sebtember uu ka socday Gobolka Axmaarada, gaar ahaan Waqooyiga Wollo, dagaalka u dhaxeeya ciidamada dowladda iyo kuwa FANO. ICRC ayaa ku waramaySa in ay bilaabayaan olole abaabulan oo ay guul ku gaareen.
Maamulka gobolka ayaa BBC-da u sheegay in iska hor imaadku uu dhacay laakiin uusan ahayn “sida la sheegay” Dadka deegaanka ayaa BBC-da u sheegay in dagaalka magaalada Woldiya ee xarunta gobolka Woqooyi Wallo uu socday dhowr maalmood.
Waraaq ay Qaramada Midoobay u dirtay todobaadkii hore ayay wasaaradda arrimaha dibadda Itoobiya ku eedaysay Eritrea iyo kooxda TPLF in ay si toos ah uga qayb qaateen taageeridda dagaalkii lagu qabsaday Waldiya.
Bayaan ay soo saartay Hay’adda Laanqeyrta Cas ee Caalamiga ah Jimcihii, Oktoobar 10, 2025, ayaa muujineysa sida uu dagaalka u noqday mid qoto dheer gobolka iyo khasaaraha ka dhalanaya.
Hay’adda Laanqeyrta Cas ayaa sheegtay in dad badan ay ku dhinteen, dad badanna la qabtay, sidoo kalena ay jiraan dhaawacyo halis ah oo dadka ka soo gaaray dagaalka muddada todobaadka ah ka socday magaalooyinka waaweyn iyo deegaanada Waqooyiga Wolloo.
Guddigu ma aysan cadeyn dadka rayidka ah iyo kuwa milatariga ah ee ay saameeyeen iska horimaadyada.
