Cudur loo maleynayay in laga cirib-tiray Mareykanka oo dib uga soo laba-kacleeyay
Tirada kiisaska jadeecada ee laga soo sheegay Mareykanka ayaa gaadhay heerkii ugu sareysay muddo 33-sano ah, iyadoo ku dhawaad 1,300oo kiis la xaqiijiyay in laga diiwaangaliyay dalka oo dhan Jimcihii.
Xogta, oo ay sii daysay jaamacadda John Hopkins, waxay calaamad u tahay sare u kaca udurka aadka loo kala qaado, ee tallaalka laga hortegi karo islamarkana mar loo haystay in laga cirib-tiray Mareykanka.
Kiisaska jadeecada ayaa laga soo sheegay 38 gobol iyo Degmada Columbia sanadkan. Ugu yaraan saddex qof ayaa u dhintay xanuunka, 155 kalena waxay ku jireen cisbitaal.
Inta badan kiisaska jadeecada – 92% – waxay ay haleeleen dadka aan la tallaalin ama xaaladooda tallaalka aan la garanayn, sida ay sheegtay Xarumaha Xakamaynta Cudurrada (CDC).
