Itoobiya oo Somaliland u tababari doonta ciidamo boolis ah
Jamhuuriyadda Somaliland ayaa sheegtay in ay heshiis la gashay Itoobiya kaas oo loogu tababarayo ciidan Somaliland.
War kooban oo lagu baahiyay bogga Faceboogga ee ciidanka booliska Somaliland ayaa lagu sheegay in hoggaanka tababarka ciidanka booliska Jeneraal Cabdi Axmed Tiir iyo Madaxweynaha jaamacadda ciidamada booliska dowladda federaalka Itoobiya Mesfin Abeba ay kala saxiixdeen heshiiskaan
Faahfaahin dheer laguma sheegin qoraalka kooban ee baraha bulshada lagu baahiyay hase-yeeshee heshiiskaan ayaa imaanaya iyadoo dhawaan uu socdaal ku tagay dalka Itoobiya taliyaha booliska Somaliland Maxamed Aadan Saqadhi, isagoo halkaas kula soo kulmay madaxda booliska dalka Itoobiya.
