Dawladda Maraykanka Oo Ugu Baaqay Muwaadiniinteda inay Ka Baxaan Dalka Ukraine
Dawladda Maraykanka ayaa dhammaan muwaadiniinteda kala baxaysa waddanka Yukrayn (Ukraine) kadib cabsida weerarka Ruushka oo weli taagan , xalna laga gaadhin.
Madaxweynaha Maraykanka, Joe Biden, ayaa muwaadiniintiisa u sheegay in ay dhammaan ka baxaan dalkaas sida ugu dhakhsaha badan, iyadoo dawladdu taageero siin doonta.
Hadalada madaxweynaha Maraykanka ayaa muujinaya cabsida ay dawladiisu weli ka qabto in Moscow ay si xoog ah ula wareegto Yukrayn todobaadada soo socda.
Dedaalada lagu xalinayay xiisadda Yukrayn ayaa la sheegay in ay meel wanaagsan marayaan, iaydoo madaxweynaha Faransiisku uu arintan dhexda u xidhay xili ay wada xaajoodyadu qarka u saarnaayeen in ay burburaan.
Ruushku weli wuxuu ku taaganyahay in NATO aanay soo cago dhigan wadamada kulaalaya xadkiisa, arintaas oo si dadban uu uga garaabay madaxweynaha Faransiisku, keentayna in Ruushku uu dejiyo xaaladda labadii maalmodo ee lasoo dhaafay.
