waa wada mujaahid
13 / 11 / 2016
Maansada ( waa wada mujaahid )
Iyo ( MOHOLIN )
BISMILAAH
Gobanimadi aan qaadanee
Qolo ku maamuus nay
Qaddar suga markii layna yidhi
Qayla koru booday
Qasab shacab ku waa tii u yidhi
Koonfurtaa qaba,e.
Qorshahoo-du soomaali weyn
Yuu ku qodobnaaye
.
Qawlay satiyo bahalay noqdeen
Qoonki loo tegaye
Aar qawdhamaa-yiyo jinbaa
Qoorta loo galaye
Qoys ugu yar waa tay innaga
Kuba qiyaaseene
Qayb layna siiyiyo ma jirin
Tii qaddari neede
.
Markay quruxba weydee xumaan
Qoolka loo geliyay
Ka qufula dhaqaalaha markii
Qalin la tab siiyay
Qadiyoo xidhxidha oo dar kale
Shiishka qabad siiya
Qarka xeebta meyd-kooda wadha
Oo qabri u jeexa
Markii la isla qaatee denbiga
Lagu qalaa weeyay
.
Qasab timi dadkeenuna inay
Waranka qaa taane
Qurba jire qar joogaba dhammaan
Gaadhay qayladu-ye
Inta qarash ka dhiibay sa iyo
Hooyo qarinaysa
Qarbadada intoodii miyiga
Caana ugu qaada
Inta gaadhi qoofalan dilaa
Sahan u qaadaa-ya
.
Dumar adhiga sii qala ya oo
Qoor la wada taagan
Geel jiraha qoran soo lisiyo
Qaalmihii curada
Inta qoriga saarayd haddaan
Qaybtan kiale xoojin
Gelen qudha inaanay jireen
Yaa qiraal ka ahe
Halgan kii dhammaan loo qumee
QAADIR . guul dhali yay
.
In cid gaari qoonday sataa
Maaha qiil furane
Qarni rubuci baa lagu jiraa
Ceelna may qodane
Qabyo badan ayaa muuqa tiyo
Qaawanaan runahe
Qalbi furan ku wada ceesha oo
Qiiro dibu eega
Waa mujaahid qarankoo dhammiye
Yuu qofnaba sheegan
Wa billaahi tawfiiq
Cu. MAXAMUUD CISMAAN (MOHOLIN )
