“Haddaanan Qaylo Dheer Hayaay Odhan” waa hees kale oo ka mid ahayd heesihii Cali Sugulle Cigaal, AHN, riwaayaddiisii Yarad Baaqday.
“Soomaalidu rejo iyo nayaayarkaas ayay wakhtigaas qabeen. Walaalaha Hargeysa ayaa qaaday, Radio Hargeysa oo ay u kala dambeeyeey Cabdirixiin Caabbi Faarax, Muuse Ismaaciil Galaal iyo Maxamed Xaashi Cabdi ayaa laga sii dayn jirey heesaha. Southal Carab, Qaahira, ayaa heesihii u gudbeen oo laga soo saaray, laantii afka Soomaaliga”. Cali Sugulle (Duncareeb), ayaan ka qoray 2009.
Haddaanan qaylo dheer hayaay odhan
Hororka celiyaay ku heellayn
Haddaanan gumayste waan la hodmee
Haddaanan goynin hanaqiyo halbowlaha
Haddaanan dhulka heegan baan u ahee
Anigu aan hoydee isagu hadhin
Haddaanan ma huraanka haaneedkiyo
Hadhuubka u dhiibin hanaddada
Haddaanan oogo Hawd u hawshoonoo
Hilbaha iga maqan la soo noqon
Haddaanan ENFDii Hengelo dhiginoo
Huurkiyo laga qaadin heeryada
Haddaanan Jabuuti way hakatee
Hilinka kuwa kale hayaan marin
Haddaanan Xamar way hadhaysan tahee
Hargeysaay ku saarin heegada
Haddaanan Shantu waysku hooyo-hiddee
Hiilkiyo isku raacin hoogaba
Haddaanan Rabbi baa hagaajin karee
Hanuunin sidii hubkays wada!”
Maxamed Baashe Xaaji Xasan