Macallin Pep Guardiola ayaa yidhi “ma weyn karno diiradda, hadda wax waliba gacanta ayey noogu jiraan”
Pep Guardiola ayaa sheegay in kooxdiisa Manchester City ay caddeeyeen inay shaqayn karaan marka aysan jirin wax doorasho ah oo aan ka ahayn inay guuleystaan ka dib markii ay garaaceen Arsenal si ay gacanta ugu dhigaan tartanka loogu jiro hanashada horyaalka Premier League.
Kooxda Guardiola ayaa 4-1 ku garaacday kooxda hogaanka haysa ee Arsenal kulan ka dhacay Etihad Stadium, waxayna hadda laba dhibcood ka dambeeyaan city oo ay laba kulan baaqi u yihiin.
City waxaa u haray toddobo kulan, oo ka bilaabaneysa kulanka axadda ee Fulham ka hor inta aysan gurigooda kula ciyaarin West Ham iyo Leeds.
“Ma waayi karno diiradda, hadda waxay ku jirtaa gacanteena” ayuu yiri Guardiola
Manchester City ayaa qaab ciyaareed fiican soo bandhigtay waxayna garaacday kooxda hogaanka u haysa Premier Leaque ee Arsenal iyadoo dhabar jab wayn ku keentay dadaalkii ay ugu jirtay in ay ku guulaysato horyaalka.
Kooxda Pep Guardiola ayaa kor u qaadday iskaashiga khatarta ah ee Erling Haaland iyo Kevin de Bruyne.
City waxa ay hogaanka ku qaban kartaa guul ay ka gaarto Fulham axadda halka Arsenal ay tahay in ay si uun uga baxdo hoos u dhaca u horseeday in ay afar kulan oo horyaalka ah guul la,aan ku jirto xilli ciyaareedkan.
