Madaxweynihii Hore Ee Dawladda Deegaanka Soomaalida Ethiopia oo Ka Cawday Caafimaad Darro Iyo Cunto Xumo La Soo Deristay Mudadii uu Xidhnaa.
Addis-ababa-(OWN)-Waxaa maanta bilaabatay Maxkamadeynta eedaha loo heysto Madaxweynihii hore ee Dowlad Deegaanka Somalida Itoobiya Cabdi maxamuud Cumar.
Cumar, waxaa kaloo la xidhan oo iyana Maxkamada ka soo hormuuqday xubno kamid ahaa maamulkiisa oo wasiiro, xildhibaano iyo masuuliyiinta Magaalo ku jira, kuwaasoo loo heysto eeda la xidhiidhta; ku takri fal awoodeed, Isir,Diin naceyb iyo danbiyo ka dhan ah xuquuqda aadanaha.
Warbaahinta Dowladda Itoobiya ee FANA, ayaa sheegtay in xubnaha maanta oo arbaca ah bilaabatay Maxkamdeyntooda, iyagoo todobaadkan uun la soo xidhay, FANA, Waxey sheegtay in eedeysanayaasha ay dhankooda iska difaaceen eedaha loo heysto.
Madaxweynihii Dowlad Deegaanka Cabdi maxamuud Cumar oo laga soo qabtay laba maalmood ka hor Addis Ababa, ayaa Maxkamada ka sheegay iney la soo deristay Caafimaad daro, Sidoo kalena aanu helin Cunto iyo Dawo mudada uu xabsiga ku jiray.
Maxkamada ayaa dhageysiga maanta kadib, waxey fartay Booliska iney soo dhameystiraan Cadeymaha eedaha ay usoo jeediyeen xubnaha xidhan oo dhameystiran.
Si Kastaba Xubnaha la xidhan Cabdi Maxamuud Cumar ee iyana Maxkamada ka soo muuqday, waxey kala yihiin:
Abdijemal Kelonbi- Wasiirkii Caddaaladda
Rahma Mohammed – Wasiiraddii hore ee Haweenka iyo Carruurta
Ibrahim Mehd- Wasiirkii hore ee Waxbarashada
Dek Abdulahi –Wasiir ku xigeenkii hore ee wasaaradda Biyaha
Ibrahim Mohammed Mubarek – Guddoomiyihii Jigjiga
Omer Abdi – Madixii Siyaasadda ee Xisbiga Dowlad degaanka Soomaalida.
