Dhegayso : Wararkii ugu dambeeyay ee Qarixii Magaalada Gaalkacyo ee Maamulka Puntland
Qarax ismiidaamin ahaa ee Maanta ka dhacay magaalada Gaalkacyo ee gobolka Mudug oo uu ku Geeriyooday 5 qof oo uu ku jiro gudoomiyihii gobolka Mudug ee Puntland, sida ay Saraakiil ka tirsan Maamulka Puntland u Xaqiijiyeen Warbaahinta.
Mas’uuliyiinta magaalada Gaalkacayo ayaa Oodwaynemedia u xaqiijiyey in qaraxaas uu ku dhintay Guddoomiyihi Gobolka Mudug ee dhinaca Puntland Axmed Muuse Nuur, Nin ay Walaalo ahaayeen Badhasaabka iyo laba ka tirsan ilaaladiisa
Qof rayid ah iyo qofkii ismiidaamiyey ayaa sidoo kale ku dhintay Qaraxa. Afar qof oo uu ku jiro darawalkii gudoomiyaha ayaa ku dhaawacantay weerarkaasi.
Duqa magaalada Gaalkacyo ee dhanka Puntland, Saahid Maxamuud Cali, ayaa u sheegay Oodwaynemedia in gudoomiyaha iyo ilaaladiisuba ay isla goobta qaraxa ku geeriyoodeen.
Halkan Hoose Ka Dhegayso Warbixintaas oo dhamaystiran ..Dhegayso: