Sheekh Shariif Oo Maanta Shir Jaraa’id ku Qabtay Magaalada Muqdisho
Madaxweynihii hore ee Somalia Shariif Sheekh Axmed, ahna Guddoomiyaha Golaha Midowga Musharaxiinta oo maanta Muqdisho shir Jaraa’id ku qabtay ayaa sheegay in xaaladda Somaliya ay meel aan wanaagsaneyn mareyso, isagoo dhinaca kale madaxda dowladda Federalka ugu baaqay in wixii tabsho ah ay xaliso.
Hadalka Sharrif Sheekh Axmed ayaa imaanaya iyadoo maalmihii la soo dhaafay ay xiisadi ka taagneyd magaalada Muqdishu. Kuwaas oo ka dhasay dibad baxyo dowladda looga soo horjeeday, dibad baxyo kale oo ay qorsheynayeen Isbaheysiga Midowga Murashixiinta, iyo ciidamo ay dowladdu ku daadisay meelo ka mid ah Muqdisho oo ay mid yihiin xarumo ay murashixiinta qaar degenyihiin.
