Dab khasaare xoogan geeysatay oo ka kacay Bangaladhesh
Dad dhowr ah ayaa ku dhintay qarax dab ka dhashay oo ka dhacay dalka Bangaladesh.
Lama oga waxa sababay dabkan, balse waxaa loo malaynayaa in qaar kamid ah weelasha kiimikada lagu keydiyay ay sababeen.
Cisbitaalada ku yaala deegaanka ayaa buux dhaafay, waxayna codsadeen in dhiig loogu deeqo.
Qaar badan oo ka mid ah dadka dhaawacmay ayaa lagu soo waramayaa in ay xaaladoodu aad u liidato, waxaana la filayaa in tirada dadka dhintay ay kororto.
Ugu yaraan 5 ka mid ah shaqaalaha dab damiska ayaa ku dhintay qaraxa, waxaana ku dhaawacmay tiro intaas ka badan.
Sidoo kale Dhowr wariye oo ka warbixinayay dabka ka hor inta uusan qaraxa dhicin ayaan la ogeyn halka ay ku dambeeyeen.
