Dowladda Shiinaha ayaa war kasoo saartay xidhiidhka Dublimaasiyadeed Ee ay Sameysanayaan Dawladaha Taiwan iyo Somaliland iyada oo Shiinuhu u Aqoonsantahay Taiwan qayb ka mid ah dalwaynaha Shiinaha.
Taiwan ayaa sheegtay in ay xafiis ka furanayso magaalada Hageysa ee caasimadda Soomaaliland,iyada oo tallaabadaas uu si deg deg ah uga hadlay Safiirka Shiinaha u fadhiya Somalia.
Labada Dawladood ee Soomaaliland iyo Taiwan ayaa la sheegay in ay Taleefoonka kaga wadahadleen nooca xidhiidhka dhexmaraya iyaga oo ku Heshiiyay is aqoonsi iyo in midba midka kale Baasaboorkiisa uu ku tago Wadanka kale Waa Somaliland iyo Taiwan-ne.
Dhinaca kala dowladda China ayaa u Aqoonsan Taiwan qeyb kamid ah dhulkeeda, in kasta ay madaxbanaani sheegato.
Safiirka Shiinaha u fadhiya Somalia ayaa qoraal uu soo saaray kaga hadlay arrintan waxaana uu tilmaamay in warkan uusan aheyn mid aan u cuntami doonin sida uu hadalka u dhigay.
“Uma oggolaanayno in qof, Urur ama xisbi siyaasadeed midkoodna uu ka gooyo dhul ka mid ah Shiinaha waqti kasta ama qaab kasta. Taiwan waa qayb ka mid ah Shiinaha waana wax aan loo dulqaadan karin” ayaa lagu yidhi bayaanka inkastoo aysan soo hadal qaadin Magaca Somaliland.
