MAANSO : HA KA DHAWRIN
KU CELIS
Immikana waa maansadii . haka dhawrin .
Haka dhawrin kii dhagar iyo xumaan
Dhiilka lagu siiyay
Haka dhawrin kii uu ka dhacay
dhego inuu siiyo
haka dhawrin dhagar qabe inuu
dhamal walaaleeyo
ha ka dhawrin dhagar qabe inuu
dhereg horseedaayo
haka dhawrin dhabbadii umaray
oo dhac iyo booba
haka dhawrin dhigood mooyiyee
samo inuu dhaado
haka dhawrin kii dhaawac baday
dhayma inu saaro
ha dhursugina jeegaan dhigii
inu dhammays beero
.
Hadhur sugina dhahar kuu wax baray
Inu wax dhaamaayo
Ha dhursugina dhinac kii ka raray
Dheeli inu baajo
Ha dhursugina dharaaraha kan maqan
Maamul khayr dhaliya
Ha dhursugina dhiciskani inuu
Orodka dheereeyo
Ha dhursugina ayaxaa dhirtiyo
Diirtan dhilanaysa
Haka dhawrin inuu waan dhergiyo
Qaranka dhawraayo
.
Kan dhiiraday dhibaatiyo xumaan
Dhoonbir ucabbaystay
Haku dhololin waxaan dhuun cas hayn
Inuu ku dhaafaayo
.
Halla dhiciyo maantay dhawdee
Dhuugu yuu cunine
Halla dhiciyo dhawr iyo toban horay
Dhaqayadaa hayed
Halla dhiciyo dhabbii ugu xumaa
Yay ku dhila yaane
Halla dhiciyo dhafoor kaa engegay
Dhaashi wuu heliye
Halla dhiciyo kii usoo dhintaw
Xaajo waa dhabaqe
Halla dhiciyo faqash kula dhashaa
Qubaya dhiil kiiye
Halla dhiciyo dhabbaan u hadla yaa
Ma aha dheel dheele
.
Dhukus iyo qarsoodiyo ma hayn
Dhuumashiyo hoose
Waa dharaar cad tiilagu shubtay
Boqol kun dhaafeene
Waa dharaar cad tii 10 jirkuna
Dhiiba yeen codade
Waa dharaar cad inay ciidamadu
Dhina ahaayeene
Daarahan dhalaaliyo intaa
Fooqyo wada dhooban
Xaaraanta lagu wada dhistiyo
Qaranka dhiigiisa
Malaayiinka kaa baan dhigtee
Nabadda dhawraynin
Ee isagu dhirbaaxiyo intaa
Feedh ku dhololaaya
Dhab xumaanta uu doonayana
Wuu usoo dhici
.
Dhadhamaba midaan hayninoo
Tiisi laga dhaarshay
Oo isagi is dhuubaa ya ooy
Ceebna dhaxal siisay
Khasabbuu dhegaa uga furayn
Dhawro nabadaase
Khasabbuu rasaastaw la dhici
Kii dalbaday dheele
Khasabbay dhacdada lagu rogmado
Dhayalsadii taaban
.
Alla kama dhigee waw egtahay
Dhibicdi weynayde
Alla kama dhigee waw egtahay
Duhur dhaqaaqiiye
Alla kama dhigee waw egtahay
Dhira uwaab kiiye
Alla kama dhigee waw egtahay
Dhooba xagad kiiye
.
Aflahaar shaxdii uu dhigee
Dhabarka naafaysay
In reer diini keligii dhurtuu
Dhoof kusoo helaye
Alla kama dhigee waw egtahay
Dhaantaduu tumaye
Aakhirkana godkii uu ku dhacay
Waa ka dhergteene.
CURIYE .guuleed liibaan snm 1710@live com