Daawo: Falan-qaynta Ciyaarihii U Dambeeyay , Maxaa Sabab U ahaa Guusha Real madrid
Goolhayaha kooxda kubadda Cagta Real Madrid, Thibaut Courtois ayaa Xalay Loo Diiwaangeliyey Rikoodh Xiiso badan kaddib markii uu Shabaqiisa ka ilaaliyey inay gaadhaan ciyaartoyga Barcelona oo dhawr jeer kubbado halis ah ku hujuumay.
Goolhayahan Reer Belgium ayaa Shabaqiisa Nadiif ka dhigay labadii Clasico ee Xili ciyaareedkan ay la yeesheen Barcelona, waxaanu kulankii hore ee garoonka Camp Nou uu ka diiday ciyaartoyga Barcelona inay gool ka dhaliyaan, sidaas oo kalena xalay ayuu bandhig cajiib ah kusoo bandhigay Santiago Bernabeu.
Labadan kulan ee aanay Barcelona goolka ka dhalinin, waxay ka dhigan tahay in kooxdiisa uu ka difaacay kooxda ay isugu neceb yihiin oo xili ciyaareed dhamaystiran ku fashilantay inay Los Blancos goolal ka dhaliso.
Labadan kulan waxa loogu diiwaangeliyey rikoodh yaab leh oo muddo 50 sannadood ah aanu samaynin goolhaye Real Madrid ah, waxaanu noqday goolhayihii ugu horreeyey ee shabaqiisa oo nadiif ah ka baxa laba kulan oo isku xiga oo horyaalka LaLiga ka tirsan oo Los Blancos ay la ciyaartay Barcelona.
Xili ciyaareedkii 1974/75 ayaa labadii Ciyaarood ee Horyaalka ee Real Madrid iyo Barcelona, waxay kooxda ka dhisan Caasimaddu ciyaartii hore ku badisay 1-0, kulankii labaadna waxay ku kala baxeen 0-0, sidaana waxay Barcelona oo uu kabtan u ahaa halyeygii Johan Cruyff ay ku guul-darraysteen inay wax goolal ah ka dhaliyaaan sannadkaas.
Laba jeer oo kale ayay rikoodhadan oo kale dhaceen, waxaanay ahaayeen Xili ciyaareedyadii 1935/36 iyo 1957/8
Daawo: FALAN QAYNTA CIYAARAHA OO DHAMAYSTIRAN
