Shir-Weynihii Beesha Garxajis Ee Buurta Gacanlibaax Oo Sidii Loogu Talo Galay U Socda
Buurta Gacan-libaax(OWN)- Shirka Beesha Garxajis ee Tol-wanaaje laba, ayaa maalintii sabtidii ka furmay Buurta Gacanlibaax, kaasi oo ay kasoo qayb-geleen ergooyin kal kala socda dhammaan-ba Ardaayada Beesha Garxajis, Qurbajoog, Haween Iyo Siyaasiin kasoo kala jeede beeasha Garxajis.
Salaadiinta, Boqorada ugaas-yada Cuqaasha, iyo badi madax-dhaqameedka Beesha Garxajis oo ka kala yimi Gobolada, Sanaag, Togdheer, Saaxil, Maroodijeex, Daadmadheedh iyo ergooyin ay soo xuleen ayaa iyana goobtaas ku sugan kuwaas oo shirka go’aamadooda leh.
Shirkan Beesha Garxajis ayaa lagu xusay fikirkaas asal ahaana lahaa inuu shirkanai qabsoomo AHN Marxuum CALI IBRAAHIM MAXAMED ( CALI– SANYARE) oo hoolka sawirka marxuumka iyo magaciisaba si farshaxan leh loogu muujiyey .
Waxa kale oo si weyn loogu mahad-naqayaa goobta beesha kasoo jeeda deegaankaas shirka ka qabsoomayo sida wanaagsan ee ay u maamulayaan shirka guud ahaan haday noqoto Cunto, Hurdo, Biyo , Iyadoo ay si weyn u adkeeyeen nabadgelyada deegaanka gaar ahaan buurta gacan-libaax oo aan shirka loo ogolayn qof aan kaadh sidan haba yaraatee aanad geli karin.
Wixii warar dheraad ah kala soco Oodweynenews .
