Daawo: Shaqaalaha Garoonka Aadan Cadde oo Mudaharaad Gadoodsan Sameeyay
Muqdisho (OWN) – Shaqaalaha ka shaqeeya Garoonka diyaaradaha Aadan Cadde ee Muqdisho ayaa maanta dhigay Debed-bax ballaadhan oo cabasho ah.
Dibad-baxayaasha oo u badnaa dhalinyaro ayaa warbaahinta u sheegay inay ka cabanayaan mid ka mid ah shirkadaha ka shaqeeya garoonka diyaaradaha ee magaalada Muqdisho, taas oo laga leeyahay dalka Turkiga.
Qaar ka mid ah dibad-baxayaasha ayaa sheegay inay cadaalad darro ka tirsanayaan maamulka shirkadda, gaar ahaan laba nin oo u kala dhalatay dalalka Kenya & Uganda.
Sidoo kale waxa ay tilmaameen inay shaqeeyaan saacado badan oo aan ku jirin waqtiga shaqada ee lagula heshiiyey.
Shaqaalahan Soomaaliyeed ayaa sidoo kale baaq u diray madaxda dowladda federaalka ah ee Soomaaliya, iyaga oo ka dalbaday inay soo fara-geliyaan arrintooda.
“Cadaalad ayaan u baahanahay, wax ha naloo qabto.” ayey ku qeylinayeen dibadbaxayaashu.
Warkaas oo Dhamaystiran Halkan Hoose ka Daawo:
