Waa maxay U Jeedka Kulanka dhexmaray Madaxwaynaha Jubbaland iyo Eng Faysal Cali Waraabe ee Nayroobi
Madaxweynaha Maamulka Jubbaland Somalia Axmed Madoobe ayaa Shalay Magaalada Nairobi kula kulmay Feysal Cali Waraabe Guddoomiyaha Xisbiga Mucaaradka UCID ee Somaliland.
Labada Mas’uul ayaa booqasho ku joogay maalmahan magaalada Nairobi ee dalka Kenya.
Lama oga in kulankan uu ahaa mid qorsheysan iyo in labada masuul ay si kama ah iskugu Arkeen hotelada magaalada Nairobi.
Feysal Cali Waraabe ayaa ka mid ah Xubnaha ugu cad-cad siyaasiyiinta Somaliland, ee sida kulul u dhaleeceeya Madaxweyne Farmaajo iyo dowladiisa.
Axmed Madoobe ayaa isna ka mid ah madaxda dowlad goboleedyada qaarkood ee ay sida weyn ay isaga soo horjeedaan dowlada federaalka ah ee uu Hogaamiyo Madaxwayne Farmaajo Waxaana dhexyaalla Muran ku Saabsan doorashadiisii oo Gabi ahaanba Dawladda Federaalu Diiday Sharrci ahaanteeda .