MAANSO : AFKU XOOG-LAYAAL
Afku xoog layaal
—– ——-
WAXAY SOO BAXDAY TAARIIKHDA KOR KU XUSAN
WELINA ARINTAY KA HADLAYSAY YAA TAAGAN
.
Xiniin dhaafki beelaha
Xag kastaba hanoqotee
Xabaal bay ku sugan yiin
Hadday xay yihiinoo
Xero hoose loo wadin
Ama aanay wada xulan
Xabbaddii cadaawaha
.
Xunbadani ma joogteen
Xuduu deenna baalaha
Xulufaysi gaariyo xarbi
Kama aloos meen
Xiiq iyo cidhiidhigu
Inamuu xanbaar teen
.
Afku xooglahaa badan
Ee xarunta jiifana
La is kumaba xiiqeen
Marka horaba xeradiyo
Xaydaan ka gudahana
Xaq umay lahaadeen
Xoghayn tooda inay yiin
.
Dagaal kii xorayn tiyo
Markay xaajo murug tee
Xal kastaaba diiq galay
Xarragada kan lumayaan
Waxba xeerinay nini
Xagee buu ku noolaa
.
Xeer ilaalin tee diyo
Xigeen kii maxkama diyo
Xadhkaa dawladoo idil
Mar haddaan ku xidhana hay
Xukun kaw danbee yana
Mar hadduu xadidihii
Xafiis kayga uu yahay
.
Xeeb tiyo ilaa hawd
Mar hadday xisaa buu
Intaan baan ka lagu xidhin
Xaggayaga ay joogaan
Wuxu faray xiskiisii
Inay tahay xalaaluu
Xaq uleeyay gurashada
.
Xayraan ka suuqiyo
Xamas tiyo aqoontii
Inuu xoolahoodii
Xaraashana yo maba oga
Inuu qaranku xoog iyo
Xannaan lagu daryeeliyo
Caddaaladi xalkii tahay
Afku xoogle muu garan
.
Ninba maalin xeegada
Haduu doono xeel iyo
Siidhi waleba haw xado
Hadduu xaabsadoo helo
Xaafadaa sinnaan iyo
Xeer wacan ayaa dana
.
Qofka aan xishoonayn
Baqashana ka xidhan tahay
Xumaan tana uaabba ah
Sidee loola xaalaa.
M . C . ( MOHOLIN )
