Doorasho deg deg oo loogu baaqay hoggaanka Senegal
Siyaasiyiinta mucaaradka Senegal ayaa ku baaqay in doorashada madaxtinimo la qabto sida ugu dhaqsiyaha badan kadib go’aan ka soo baxay golaha dastuurka oo sheegay in dib u dhigista codbixinta ay tahay sharci darro.
Mid ka mid ah musharrixiinta, Anta Babacar, ayaa BBC-da u sheegtay in wax walba ay tahay in la sameeyo si loo xaqiijiyo in madaxweyne Macky Sall uu waqtigiisa ku eg yahay Abriil, doorashadana ay tahay in si deg deg ah dib loogu qaabeeyo.
Isku dayga Mr Sall ee dib u dhigista doorashada ayaa mideeyay mucaaradka iyo bulshada rayidka ah, waxaana uu horseeday mudaaharaadyo ay dad ku dhinteen oo ka dhacay waddooyinka magaalada caasimadda ah ee Dakar.
