Golaha deegaanka baligubadle ma Handaraabkiibaa soo gaadhay
Buuq iyo jaho-wareer ayaa ka taagan Degmada Baligubadle ee xarunta Gobalka Hawd, ka dib markii 23kii bishan kalfadhi aan caadi ahayn xubanaha golaha deegaanku xilkii kaga qaadeen maayerkii hore ee Degmada Baligubadle Cabdi Iimaan Jaamac, Iyagoo maayer cusubna u doortay Aadan Cali xasan, ayaa waxaa Ku gacan saydhay maayirkii hore ee xilka laga qaaday, isagoo garab ka helaya badhasaabka gobal Hawd Yaaasiin Axmed shide, isagoo Ku andacoonaya, in uu isagu yahay maayerka Degmada oo aanay aanay xildhibaanadu awood u lahayn ay xilka kaga qaadaan, iyo inuu sito warqad ka timid wasaaradda arrimaha gudaha taas oo golaha deegaanka Baligubadle lagaga mabnuucayo, inay qabsadaan kalafdhi aan caadi ahayn, halkaana waxaa ka dhashay buuq iyo cadho xooggan oo gacan ka hadal isu bedalay markii danbe, dad ay nabarro ka soo gaadheen dhagxaan ay tuurayeen dadweyna ka gadoodsan arintaas, waxaana halkaas Ku sugan ciidamo RRU ah kuwaas oo la rabo in loogu cago-jugleeyoSharci wata, lagana hor ustaago xuquuqdooda darstuuriga ah ee sharcigu siiyey
Hadaba waxaa iswaydiin leh warqadda amarka ah ee la sheegay inay wasaaradda arrimaha gudaha ka soo baxday, ma mid golaha Deegaanka Baligubadle oo kaliya khusaysaa? Hadii ay jawaabtu haa tahay, waa maxay sababta loo cuskaday, inaanay muddo 8 bilood ah shir kalfadhi qabsan karin, iyadoo ay xildhibaanadu kalfadhigooda sifihii sharciga ahaa umaray waa kee qodabka u baneeyey badhasaabka gobalku inuu yidhaahdo tayda unbaa shaqaynaysa oo ninka anigu aan rabo unbaa noqonaya maayir, goormaa xeerkii iyo sharcigii deegaanka la laabay oo wadanku isu badalay XUKUN MILLATERI
Dawladu faraha ha kala baxdo golaha deegaanka oo u madax banaan cidda ay dooranayaan iyo cidda ay ridayaanba
Ciidanka iyo caga juglaynta siyaasadaysanna halaga daayo hadii kale wixii halkaa ka yimaadda waxaa ka masuul ah badhasaabka Gobalka iyo wasiirka arrimaha gudaha faragalinata Ku haya xildhibaanada xildhibaanada hawlahooda .
