Yaxya Sinwar – Waa kuma hoggaamiyaha Xamaas ee la dagaallamaya Israa’iil?

Hoggaamiyaha caanka ah ee kooxda Falstiniyiinta ee Xamaas, Yaxya Sinwar, waxuu xilal sare ka soo qabtay garabka militariga iyo midka siyaasadda ee Xamaas, wuxuuna hadda madax ka yahay xarrunta ururka ee Qaza.

Yaxya Sinwar, wuxuu ku dhashay xerada qaxootiga ee Khan Yoonis ee ku taalla Qaza, sannadii 1962.

Waxaa la xiray oo afar jeer lagu xukumay xabsi daa’im sannadii 1988, ka dib markii lagu helay dambi ah in uu aasaasay ururka Al-Jihaad wa Dacwah, oo ah qeybta Xamaas u qaabilsan amniga Gudaha.