Hanti dhawraha Guud ee Somaliland oo Ka Hadlay Xaalka Dad Muddo u Xidhnaa Arrimo Musuq Maasuq
Dawladda Somaliland ayaa shaaca ka qaaday in dad badani U xidhxidhay Yihiin Arrimo la xidhiidha Musuq-maasuq, kuwaasi oo qaarkood la horgeeyay Maxkamad, kadib markii lagu helay eedeeymo Musuq-maasuq.
Qoraal kasoo baxay Xafiiska Hanti-dhowraha guud ee Somaliland Axmed Yuusuf Dirir ayaa lagu sheegay in Dawladdu ay 19 qof u xidhay Musuq-maasuq, isla markaana qaar kamid ah dadkaas la horgeeyay Maxkamad, lana xukumay.
Sidoo kale Qoraalka Hanti-dhowraha ayaa lagu sheegay in qaar kamid ah 19-kaas qof ee xidhan weli aan la horgeyn Maxkamad, Hasa yeeshee la horgeyn doono sharciga, maadaama lagu helay arrimo la xiriira Musuq-maasuq.
Hant dhawraha Guud ee Qaranka Somaliland ayaa sheegay in Sanadkan 2020 Uu Hant dharku qaaday tallaabo kasta oo lagaga hortegayo Musuq-maasuqa, Isla Markaana ay culeyska saareen horumatinta xeerarka iyo habraacyada maaliyadeed.
Ugu dambeyn Hanti-dhowraha guud ee Somaliland Axmed Yuusuf Dirir ayaa shacabka ugu baaqay in si wadajir ah looga wada-hadlo sidii la isaga kaashan lahaa ka hortaga arrimaha la xiriira Musuq-maasuqa oo xiliyada qaarkood la sameeyo.
Hoos ka Akhrsiso.
