Daawo: Imaaraadka oo Gargaar Caafimaad ka dajiyey Garoonka Hargeysa Ee Somaliland + Sawirro
Hargeysa (OWN) – Waxaa saaka Garoonka diyaaradaha magaalada Hargeysa ka degtay diyaarad siday gargaar oo ka timid dalka Imaaraadka Carabta.
Diyaarada oo caga-dhigatay garoonka caalamiga ee Cigaal International Airport ayaa Lagu soo warramayaa inay siday gargaar caafimaad oo uu Imaaraadka ugu deeqay Somaliland.
Gargaarka ayaa isugu jira daawooyin iyo agab caafimaad oo loogu talagalay xakameynta cudurka faafa ee Coronavirus.
Wasaaradda caafimaadka Somaliland oo la wareegtay deeqda ayaa u mahad-celisay dowladda Imaaraadka Carabta gargaarkaas u soo dirtay.
Somaliland ayaa illaa iyo hadda xaqiijisay labo kiis oo ka mid ah cudurka COVID-19 oo weli fara ba’an ku haya wadamo badan oo ku yaalla caalamka.
