Maxaa ka Jira In Dowlada Kenya Oo La Sheegay Inay Wakiil Usoo Magacaabayso Somaliland
Dowlada Kenya ayaa la sheegay in ay u soo magacaabayso wakiil cusub oo u joogi doona Somaliland , kaas oo ka shaqayn doono sidii uu isugu soo dhaweyn lahaa Somaliland iyo kenya.
Githiora Philip Mundia oo ah nin la sheegay in uu noqon doono wakiilka cusub ee Kenya u fadhiisan doonaa Magaaladda Hargeysa ayaa ahaa sarkaal sare oo ka tirsan wasaaradda arrimaha dibadda ee Kenya, waxaanu in dhaweyd ahaa Safiir Ku Xigeenkii Kenya u joogay Dalka Ruushka.
Waxa uu madax ka soo naqday xarunta Kenya ku leedahay Qaramada Midoobay. Sidoo kale waxa uu horay u ahaa xidhiidhiyaha xarunta la dagaalanka argagaxisada, waxa uu tiir dhaxaad uu ahaa dajininta geedi socodka Siyaasadda Armaha dibadda ee dalka Kenya.
Wakiilkan cusub ee ay Dawladda Kenya u soo magacaabayso soomaliland ayaa ah mid ay ku karbaashayso xukuumadda soomaaliya, waxaana la filayaa in uu fududayn doono, kana shaqayn doono sidii ay soomaaliland iyo kenya xidhiidh wanaagsan u wada yeelan lahaayeen.
Dawladda Kenya ayaa u iib gaysa meelo badan oo ay Soomaaliya ku jirto jaadka, waxaana la filayaa in Dublomaasigan uu ka shaqayn doono sidii ay dawladiisa Kenya ugu iib keeni lahayd jaadka suuqyadda Somaliland.