Guddiyadii Loo Xil Saaray Dilkii Gaalkacyo Oo War Soo Saaray
Guddiyadii xal u helida dilalkii Gaalkacyo ee ka kala Socday Golaha Shacabka BJFS iyo Dowlad goboleedka Koonfur Galbeed ee Maalmahaan ku Sugnaa Magaalada Gaalkacyo ayaa soo Saaray War-saxaafadeed.
War-Saxaafadeedka oo ka kooban dhowr qodob ayaa waxaa ay kaga hadleen kulamadii ay la qaateen Maamulka Magalada Gaalkacyo,qeybahaka kala duwan ee Bulshada magaaladaas & Eheladii dadkii lagu dilay Gaalkacyo ee kasoo kala jeeda Maamulada Koonfur Galbee & Hir-Shabeelle.
Gudiga ayaa waxaa ay sidoo kale sheegeen in dhamaan kulamadaasi kadib ay soo saareen dhowr qodob oo xal u nooqn kara nabadgelyda dadka kasoo jeeda deegaanada Koonfur Galbeed iyo Hir-Shabeelle,kuwaas oo kala ah.
1: In dhamaan dadka kasoo jeeda deegaanada Koonfur Galbeed iyo Hir-Shabeelle ay Amniga Guud kala Shaqeeyaan Maamulka Magalada Gaalkacyo & Hay’adaha Amniga.
Sidoo kale in Shacabka kasoo jeeda labada deegaan ee Hir-Shabeelle & Koonfur Galbeed laga joojiyo falalka lagu Eedeeynayo oo ay geystaan waxa loogu yeero Argagaxisada.
Iyo in dhamaan dad kasoo jeeda deegaanada Koonfur Galbeed iyo Hir-Shabeelle ay sameystaan guddiyo Maamulka Magalada Gaalkacyo kala Shaqeeya Amniga iyo Nabadgelyada.
