Xukuumadda Xaaraandooka ah ee Xaraf IYO Xaq u Dirirka reer Xasan Dalab
Waxaan canbaareynayaa, falka foosha xun ee jidhdilka ah, hanti boobka ah, awood sheegashadda ah, ee lagula kacay haweenka iyo maatadda xaq u dirirka ah ee reer xasan dalab. Waxaa intaa u dheer in taliskan umala dooxa ah, uu xadhag ugu darro haween iyo maati, hantidoodii laga boobaayo, reer Somaliland waa la is yaqaan, waana markhaatiga nool ee og in beeraha reer xasan dalab si badheedh ah uu madaxweynaha Somaliland uga boobaayo dadkii maatadda ahaa ee dhulkaa lahaa Xoog dawladeed iyo ciidan uu madaxweyne Muuse biixi u adeegsadey.
Hanti boobka ma aha mid ku cusub, Madaxweynaha Somaliland, Waxay Dadweynaha Somaliland ogyihiin BEERTII CISMAAN DACAS , oo ilaa maanta , madaxweynaha Somaliland uu Sifo xaaraan ah, ku haysto. Guriga Madaxynaha Muuse biixi, waa Hantiddii umadda isagaa xalaashadey. sida aanu ka ogaaney ila xog ogaal u ah, Hantidda Madaxweyne Muuse Biixi , waxay noo xaqiijiyeen in, Hantidda ma guurtadda ah, ee uu Boobka iyo Sifooyin sharci darro ah ku qaayey Badan yihiin.
Haddaba Markii la islahaa, Muuse biixi, maaanta oo uu madaxweyne noqdey, wuxuu wax ka qaban doonaa, Qaran boobkii Ka dhacay Somaliland ee ay sameeyeen dawladihii hore, Wax ka qabasho ha joogtee, Madaxweyne Muuse biixi isagaa bilaabey oo aabo u noqdey Dhaqan xumaddaa Umulaha iyo maatadda looga boobaayo dhulkoodii iyo hantiddoodii, Haddii aanu nahay Shacabka Somaliland, waanu aragnaa sida sharcidarradda ah ee Shacabka loo Boobaayo, ee uu madaxweynihii qaranku u boobaayo.
Shacabkii Somaliland haddaanu nahay, waanu canbaareyneynaa falkaa bahalnimadda ah, Xishood la’aanta ah, Sharcidaradda ah, ee hantidda umadda iyo ta shacabka lagu boobaayo.
keyse Kahin
keysekahin@gmail.com