Gudoomiyaha Gudida Doorashooyinka Somalia oo Baarlamaanka Wadankaasi ku Eedaysay inay Faragaliyeen Shaqadeedii
Muqdisho (OWN) – Xaliimo Ismaaciil Ibraahim (Xaliimo Yaray) oo ah Guddoomiyaha guddiga madaxa banaan ee Doorashooyinka Qaranka ayaa khamiistii todobaadkan baarlamaanka Soomaaliya u sheegtay in shaqada guddiga ay baarlamaanku ku milmeen.
Xaliimo Yaray, oo warbixin siineysay guddiga ku Meer gaadhka ah ee baarlamaanka Soomaaliya u qaabilsan sameynta sharciyada kale ee dhameystiraya sharciga doorashooyinka,
Ayaa sheegtay in shaqadii gudigeeda ay faro-gelin ku hayaan oo ay si dadban U la-wareegeen baarlamaanku Arrintaasinaay tahay nasiib darro weyn.
“Gudigiina shaqadan ma ahan waajibkiina waa mid anaga noo taalo waxayna aheyd inaa annaga soo diyaarino waana caqabad taagan,” ayey Xaliimo Yarey u sheegtay ee guddiga isku dhafka ah.
Goobta ay hadalkan ka sheegeysay Xaliimo Yaray waxaa ku sugnaa ku-simaha guddoomiyaha Golaha Shacabka, waxayna wararku sheegayaan in xubno ka tirsan guddiga ay qirsan yihiin doodda Xaliimo yareey.
Inkastoo ay Xaliimo Yaray iyo guddigeeda shaqadan u fasaxeen guddiga baarlamanka, hadane waxay sheegtay in arintan ay Abuuri karto caqabado kale oo hor leh.
Guddoomiyaasha labada Gole ee baarlamaanka Soomaaliya ayaa dhawaan si wadajir ah u magacaabay guddiga ku-meel gaadha ah ee dhamaystirka Xeerarka kale ee sharciga doorashooyinka, waxaana arintan hore uga hadlay mas’uuliyiin ka tirsan xisbiyada dalka.
