“Carruurtii ku dhacday bohosha ku taalla Thailand oo farriimo soo diray.
Wiilashii u dhashay Thailand ee ku dhacay bohosha ayaa waalidiintood u soo qoray warqado ay ku leeyihiin “ha walaacina, tabar ayaan leenahay”.
Warqadaha oo gacanta lagu qoray ayey ku weydiisanayeen cuno, ay qaarkood ku dalbanayeen digaag la dubay.
Farriimaha ayaa waxaa ka soo qaaday quusayaal ka tirsan ciidanka badda ee Thailand.
Tababarihii kooxdaas wiilasha ah ayaa isna raalligelin u diray waalidiinta carruurtaas.
12kaas wiil iyo tababarahooda ayaa eeg-eegayey qaybaha bohoshaas ka kooban tahay, markii ay ku xannibmeen, oo uu halkaa ugu galay daad, 23kii Juun.
Kooxaha gurmadka ayaa eegaya sida ugu wanaagsan ee wiilashaas loo samata bixin karo, Iyadoo saadaasha hawadana ay sheegayso in Axadda la filayo roobab xoog leh
XIGASHO BBC SOMALI NEWS
