Guddoomiyihii Komishanka Doorashooyinka Ee Gobolka Sool Oo Lagu Dilay Magaalada Laascaanood
Badhasaabka Gobolka Sool Cabdiqani Maxamuud Jiidhe ayaa sheegay in caawa Abaaro Sagaalkii fiidnimo lagu dilay magaalada Laascaanood Guddoomiyihii Komishanka doorashooyinka ee Gobolka Sool Cabdilaahi Laba-go’le.
Badhasaabka Sool Wuxuu Warbaahinta Qaranka u sheegay inay Socoto baadhis iyo hawlgal ballaadhan oo lagu doonayo in lagu soo qabto ciddii dishay marxuum Cabdilaahi Laba-go’le.
Guddoomiyuhu wuxuu intaas ku daray in marka baadhista laga gun gaadho Saxaafadda iyo bulshadaba loo soo bandhi doono.
Sidoo kale wuxuu Guddoomiyuhu tacsi u diray qoyskii,qaraabadii iyo shacbiga gobolka Sool ee marxuumku ka baxay.