Oodweyne News - Latest Somali News Update

Xiisadda Masar iyo Itoobiya Ee Webiga Nile Oo Cirka Isku Shareertay

Waxaa cirka isku sii shareeray khilaafka ka dhexeeya Itoobiya iyo Masar ee salka ku haya biyo-xireenka ay Itoobiya ka dhiseyso webiga Nile.

 

Biyo-xidheenkaas ayaa Masar ay u aragto inuu yareyn doono biyaha Masar ay ka hesho webiga Nile, oo bixiya in ka badan 90% biyaha ay cabaan islamarkaana isticmaalaan boqolka milyan ee dalkaas ku nool.

 

Itoobiya oo iyana dooneysa inay koronto ka dhaliso biyo-xidheenka ayaa ku doodeysa inuu muhiim u yahay dhaqaalaheeda iyo horumarkeeda.

 

Wadahadallo muddo soo socday oo lagu doonayay in khilaafkaasi xal looga gaadho ayaan midho-dhal noqon, waxaana jiray hadallo kulul oo ay dhinacyada is-dhaafsadeen.