Xiddig Ay Dooneyso Man United Oo Shuruud Adag Ku Xidhay Imaatinkiisa Garoonka Old Trafford –
Manchester United ayaa lagu soo warramayaa iney fursad u heysato saxiixa garabka PSV Eindhoven Steven Bergwijn, balse shuruuda adag oo la filayo ineysan ka gudbi karin ayuu ku xiray imaatinkiisa garoonka Old Trafford.
22-jirkan kasoo baxay Akadeemiga kooxdiisa ayaa dhaliyay 14-gool kadib 33-kulan uu horyaalka Eredivisie kasoo muuqday fasalkii lasoo dhaafay, balse hormarkaas wuxuu dhaliyay iney aad u hadal hayaan kooxaha qaaradda yurub.
Bergwijn wuxuu dhawaan saxiixay heshiis uu kooxda kusii joogayo ilaa 2023, balse waxaa lagu soo warramayaa ineysan ka hor istaagi karin inuu u guuro kooxaha qaaradda yurub.Ilo ku dhaw ciyaariyahanka ayaa ka dhawaajiyay in xiddigan uu quuldareynayo inuu u dhaqaaqo kooxaha waaweyn ee yurub, balse wuxuu ka dhawaajiyay inuu kaliya u guurayo koox ka ciyaareysa koobka horyaalada yurub.Red Devils xiddigaan dhawr jeer ayey u dirtay wakiilo soo daawada, balse waxey u baahan tahay iney afarta sare horyaalkeeda ku dhameysato ama ku guuleysato Europa League si ay u hesho xiddigaan tayada wanaagsan.
Sidoo kale adduun dhan 40 Malyan oo Pound ayuu xiddigaan ku qiimeysan yahay, waaba hadii ay jirto koox ku dhiiraneysa iney xiddigan la saxiixato Heshiis.
