Shir deg-dag ah Oo Maanta Xisbiga Waddani iskugu Yimaadeen
Shir deg-dag ah oo saaka ay iskugu yimaadeen madaxda Xisbiga WADDANI, ayaa laga ga wada-hadlay xaaladda dalka iyo doorashooyinka Somaliland.
Shirkan oo uu shir-guddoominaayey Murashaxa Xisbigaasi Dr. Cabdiraxmaan Cirro, waxa ka soo qeyb-galay xubno ka mid ah hoggaanada, guddiyada fulinta, garabbada haweenka iyo dhallinyarta iyo weli ba mas’uuliyiin kale oo ka tirsan mudanka Xisbiga.
Intii shirku socday waxa aad loogga dooday sida Xisbigu uu u muujinaayo kaalintiisii Mucaaradnimo, waxa kale oo hoosta laga xariiqay in Xisbigu aanu marna ka tanaasulayn mawqifkiisii Komishanka Doorashooyinka sida oo kale waxa ay xuseen inay war-war ka qabaan xaaladda dalku maraayo.
Xisbigu wuxu isla qaatay in si deg-dag ah uu shacabka ugu caddeeyo aragtidiisa ku aadan xaaladda uu galay dalku iyo dib u dhaca Doorashooyinka Somaliland.
