Oodweyne News - Latest Somali News Update

MAANSO : METEL FAQASH

Maansada la yidhaa  METEL FAQASH

Musuq iyo haddii uu dulmigu

Mooska soo jebiyo

Muran iyo haddii boobka iyo

Dhacu maqaam gaadho

Ku muquuni xoog iyo haddii

Muuji qori ay tay

Miye iyo magaalaba haddii

Ay ku macaluusho

Maandeeq haddii ay in yari

Mirato xoorkeeda

.

Metel faqash hadii aynu nahay

Maamul iyo xaajo

Qabyaaladi hadday mush ka tahay

Marinadii dheefta

Midhsooc lagu gurtiyo qabiil

Lagu macaashaayo

Ka midiidin aan noqon karayn

Mooska laga tuuro

Maggeyniyo dabeed ay wax garad

Murugo soo gaadho

.

Mid su,aali waa taa haddaba

Miiska ku hortaale

Mawdka iyo maxaad weerar-kii

Ugu madoobaatay

Mirta dhexiyo guuraa maaxaa

Maati loo qaxiyay

Maxaa maxamed ugu hiiliyee ( maxamed cali )

Ceeshba uga maarmay

Boqolaal kun iil lagu masaxay

Mudana yaashiiya

In baaqigu midnima gaadha,oo

Xaqu macaanaado

.

Midig tooda lagu ciil baxaa

Moora loo rogaye

Madrasadi haddii tii kacaan

Inagu meermeerto

Waa masiibo qaranoo (ALLUUN )

Naga mulaax shaaye

Malaayiin intoodii lunsada

Yaa umagac weyne

masbax iyo dabbaal baa guryaha

lagu mushaaxaa-ye

Geesna miridhka daasado ahiyo

Waa bacdaa madhane

.

Waa miskiin dawara  quuta iyo

Malab durduur-taaye

Waa muuqa laga wada naxaa

Meeris-kay socone

Haddaan midigta koodii unaxa

MAWLA ) ugu dhiibin

Miiratadan isdaba rooraysana

Meesha laga tuurin

Dhac ku mame muraad qudha watiyo

Madhiye loo diidin

Inay nabadu meeshaba ka bixi

Maluhu weeyaane .

 

 

Mahadna (ALLAA ) iskale

Maxamuud cismaan  ( moholin )