Dalka Ecuador oo dagaal iclaamiyey kadib weerarkii lagu qaday telefishanka tooska ah

Madaxweynaha Ecuador ayaa amar ku bixiyay in kooxaha dambiilayaasha ah “laga takhaluso” ka dib markii maalmo rabshado ah ay ku dambeeyeen in weerar lagu qaado istuudiye telefishan oo si toos ah loo dawwanayo.

Dableyda wejiyada soo duubtay ayaa jabsaday istuudiyaha tooska ah ee kanaalka TC ee telefishanka dadweynaha intii ay socotay baahin, shaqaalahana waxay ku qasbeen inay dhulka seexdaan.

Booliisku waxay xireen 13 ka dib weerarka, oo ay ku dhaawacmeen laba shaqaale ah.

Ugu yaraan 10 qof ayaa la dilay tan iyo markii lixdan maalmood oo xaalad degdeg ah ay ka bilaabatay Ecuador Isniintii.

Xaaladda degdegga ah ayaa lagu dhawaaqay ka dib markii burcad caan ah laga waayay qolka xabsiga. Ma cadda in dhacdadii ka dhacday istuudiyaha TV-ga ee Guayaquil ay la xiriirto waayitaanka xabsiga isla magaaladaas oo ah madaxa kooxda Choneros gang oo lagu magacaabo Adolfo Macías Villamar, ama Fito sida loo yaqaan.

Madaxweyne Noboa ayaa Talaadadii sheegay in “isku dhac hubaysan oo gudaha ah” uu hadda dalka ka jiro, wuxuuna abaabulayay ciidamada qalabka sida si ay u fuliyaan “hawlgallada militariga si looga takhaluso” waxa uu ugu yeeray “dambiyada abaabulan ee caalamiga ah, ururada argagixisada iyo kuwa aan dowliga ahayn ee hubaysan” .

Dalka ay jaarka yihiin ee Peru, dawladdu waxay amar ku bixisay in si degdeg ah ciidan booliis ah loo geeyo xadka si looga hortago xasillooni darro kasta oo ku soo qulquli karta waddanka.