Maraykanka Oo Duqaeeyey Taalibaan Heshiiskii Nabada Kadib
Milatariga Mareykanka ee ku sugan dalka Afghanistan ayaa Duqeymo dhanka Cirka ah ka geystay gudaha Afghanistan, sida uu Xaqiijiyay Afhayeen u hadlay Shalay oo Arbacada Ahayd.
Duqeynta ayaa timid maalin kadib markii madaxweyne Donald Trump uu Khadka taleefanka kula hadlay hogaamiyaha Taalibaan.
Duqeynta Mareykanka oo la sheegay in ay dhacday 4-tii bishii Maarso oo ku beegneyd talaadadii shalay ayaa ka dhacday degmada Nahr-e Saraj oo dhacda gobolka Helmand.
Afhayeenka milatariga Mareykanka korneyl Sonny Leggett ayaa ku Tilmaamay duqeyntan mid is difaacid ah, waa sida uu hadalka u Dhigay.
Weerarka Mareykanka ayaa imaamaya 11 maalin kadib markii Dowlada Mareykanka iyo Ururka Taalibaan ay gaadheen heshiis Nabadeed oo lagu soo afmeerayo dagaalka 19-kii sano ka socday wadanka Afghanistan.
Diyaaradaha Mareykanka ayaa sidoo kale duqeymo ka geystay dhowr degmo oo ku yaal gobolada Waqooyi.