DAAWO Madaxweyne Muuse Biixi Oo la Kulmay Wakiilka Midawga Yurub Ee Soomaaliya.
Madaxweynaha Somaliland, Mudane Muuse Biixi Cabdi, Ayaa Maanta Xafiiskiisa ku qaabiley Safiirka midowga yurub u qaabilsan Soomaaliya & Somaliland Amb. Nicolas Berlanga Martinez.
Waxaana kulankaasi lagaga wada hadlay xoojinta xidhiidhka wada-shaqayneed ee midowga yurub iyo Somaliland ka dhexeeya, sidoo kale waxa laga wada hadlay taageerada ay beesha caalamku ka geysato horumarka arrimaha bulshada, doorashooyinka iyo sidii kor loogu qaadi lahaa qoondada dhaqaale ee ay midowga yurub ku taageeraan Somaliland, isla markaana loo dardar gelin lahaa mashaariicda horumarineed.
Ugu danbayntiina waxa kulanka dhax maray Madaxweynaha Somaliland iyo Safiirka Midowga Yurub u qaabilsan Soomaaliya lagu lafo-guray sidii laysaga kaashan lahaa horumarka iyo amniga guud ee mandaqadda geeska Afrika.
