Welligaa Ma Tagtay Shir-Qabiil ?

Haddiiba ay dhacdo innaad tagto shir reerkiinu leeyahay oo hadal lagu siiyo haw hadlin sidan:

“Carruurtaa ilma hebel ee agoonta hala ogaado,

Ninkii hebel ee xanuunsanaya aynu daawayno,

Qoyskaa ilma hebel way iska jilicsanyahiin ee

Wax hala taro.” Hadaad sidan u hadasho maalin

Dambe laguu yeedhi maayo, Waayo waxaad ka

Hor timi dannahii uu lahaa ninka shirka qabtay

Ee qadada iyo qaadka bixiyey. isagu wa siyaasi Xil-doon ah ama waa ganacsade lacag leh oo raba innuu qandaraas xaaran ah dawlada kaga qaato magac qabiilkan. Wuxuu kaa doonayaa

Innaad sidan u hadasho intaad giir iska kiciso

” Soomali innagaa u laandheeraysan, ugunna

Hanti badnayn, waad ogtihiinoo dagaalkii hebel

Iyo hebel waxaynu ka dhignay, ilaa maanta waa

Laga sheekeya Gabayadoodii, waa iska aakhiro samaan laysa soo gaadhayee dadkan yaryar ee

Gunta ah, ee isku keen dhararinaaya walaahi

Kamay naan guursan jirrin beryahii horre.

Waxaa nasiib darro ah in maanta dawladdii aynu soo halganey ee intas oo nin oo qiima leh innaga dhinteen, ileen dalka innagaa xorraynee,

Aynan waxba ku hayn, xil kuma hayno oo xoolo

Kuma hayno oo shaqaale kuma lehin oo xataa

Qandaraas yara kama helno, Haa isheenna laga

Arkay.” halkaasu marinaya isagoo qawlalada ka

Xumbaynaaya ileen shiidaal baa lagu shubtee.

Ujeedadaydu waa: in magaca qabiilku aanu maanta waxba tarrin mid liita mid gurmad iyo

tabantaabo u baahan oo ahba kii tolnimada

u baahnaa hadday tahay ba wax jirra. Waxaa

ku shaqaysta magaca qabiilka nin kibray oo danahiisa ku gaadha. Cuqaashii ummaddu

doortay waxay noqdeen kuwa ay ku shaqays-

-taan inta ladan, inta danta gurracan leh ee

maalintaas siin karta nolol maalmeed kooda

Oo badiba Siyaasi & ganacsade ah. Bal tijaabi

oo subax ku kalaha caaqilkiina si uu kuula

gallo arin aan hawl mooyee cun cun Ku jirrin.

i rumayso kuma raacaayo ilaa aad u sheegto in

aad u hayso QABAX ( Qaadkii iyo Qadadiiba ).

Laga yaabaa inuu ka raac haddii Aabbahaa ama Adeerkaa magac leeyahiin oo uu dan u soo yeellan karo, haddii kale ha ku sheegin !!.