Garoonka Kubaddda Cagta ee Muqdisho Stadium Oo Lagu Badalayo Eng Yariisow Stadium
Garoonka kubadda cagta ee Banaadir Stadium ayaa waxaa lagu wadaa in loogu magac-daro Gudoomiyihii Maamulka Gobolka Banaadir & Duqii Magaalada Muqdisho, C/raxmaan Cumar Cismaan (Eng. Yariisow). AHN
Masuuliyiinta Dowladda Somaliya ayaa la fillayaa in maalinta Jimcaha ay Magaalada Muqdisho kaga dhawaaqaan in Garoonka Banaadir Stadium loogu magac-daray Eng. Yariisow.
Isla Jimcaha ayaa waxaa lagu wadaa in la soo geba-gabeeyo tacsida Eng. Yariisow, iyadoona baroordiiq loogu samayn doono Garoonka Banaadir Stadium oo ku yaala Degmada C/casiis.
Allaha u naxariistee Eng. Yariisow ayaa 1dii bishan Magaalada Doha ee dalka Qatar ugu geeriyooday dhaawacii 24-kii bishii July ka soo gaaray qaraxii ka dhacay Xarunta Maamulka Gobolka Banaadir.