Heshiiska Yuhuudda ama Ingiriiska iyo Mareykanka miyaa lagu gaaloobaa?

Mawaaqifta siyaasadeed ee ay xukuumadda Sucuudiga ee Maxamed Ibn Salmaan hoggaaminayaa qaadatay, aad baan uga soo horjeedaa, haddii aan Culimada Sucuudiga ka mid noqon lahaana ragga afkoodu jeelka geeyay ayaan malaha ka mid noqon lahaa, oo kollayba aan mawaaqiftooda bogaadin lahaa.

Laakiin, waxa aan wacyigiinna ku xoojinayaa mawaaqifta ninkaasi qaadanayaa waa mawaaqif siyaasi ah oo dano siyaasadeed ku dhisan, waxa loo baratamayo ee la kala riixanayaa waa masaalix, jiritaanka masaalixdana waa la isku khilaafi karaa, oo lagu kala aragti duwanaan karaa, in la isku gaalaysiiyaana sax ma aha DALIIL la’aan.

Mar mar baan moodaa in dadkuba wada takfiir yahay, ma tukadayaasha iyo calmaaniyiinta diintaba ka irdhoobay ayaa ugu gaalaysiin xun!

Gaalaysiintu waa xukun sharci ah oo xakameeyayaal, shuruudo iyo wax ‘diidayaal’ la yidhaahdo leh, intaynaan baddiisa gelin aynnu baabkiisa ka boganno.

Intaasi waa iga toosin iyo talo.

WQ: Dr-Abdulqani Hussein Beder