War deg deg ah :Guddoomiye ku Xigeenkii Gobolka Sh/Hoose oo la dilay
Afgooye (OWN) – Wararka naga soo gaadhayo Magaalada Afgooye ayaa sheegaya in la dilay Guddoomiye ku xigeenkii Gobolka Shabeelaha Hoose.
Gudoomiye ku Xigeenka Gobolka Shabeelaha Hoose Cumar Maxamud Cilmi “Cumar Carrabey” ayaa lagu dilay weerar lagu qaaday gurigiisa oo ku yaalo Degmada Afgooye.
Kooxo hubeysan ayaa la sheegay inay guriga Guddoomiye ku xigeenka ku weerareen bam gacmeed taasoo keentay dhimashadiisa.
Ilaa hadda faahfaahin dheeraad ah lagama helin dilka Guddoomiyaha, mana jirto koox sheegatay.
Waxaa loo badinayaa inay dilkan ka dambeyso Kooxda Al-Shabaab oo dagaal kula jirto Dowladda Soomaaliya iyo Ciidamada AMISOM.
Ciidamo ka tirsan kuwa Dowladda Soomaaliya ayaa gaadhay guriga Guddoomiyaha lagu dilay.