Hal-Abuur Qoraa Xamse Riiraash Iyo Maanso Bishu Waa Ramadaan

Waa maanso gaaban oo ka hadlaysa khayrka bisha ramadaan,dhugasho wacan ramadaan mubarak.

Bishan aynu joogno imika,

Ku dhex jirno arrimaheega,

Wanaaga iyo ixsaanadeeda,

Haddaad eegtood u fiirsato,

Waxay leedahay astaamo

U gaara ilaah raxmaanka.

Fadli iyo wax aadoo

Sarreysoo in la gaadhayn

U dhiganta arladeeniyo

Intay jirto samadaasi

Ayaan weeyi ducaad

Aqbal iyo ijaaba weeyi

Quluubta gashoo astaysa

Abuurta qushuuc badnaatay

Salaada shanta ah ilaali

U kaca laylkaa habbeenkii

Akhriya qur”aanka laftiisa

Koroonaha aduunka waallay

Ka ducaysta dhibtiis idilkii

Iimaan koriyoona xooja.

Hamse Riiraash