Ukraine oo muwaadiniinteeda ka daad gureyneysa dagaalka ka socda Sudan
Dowladda Ukraine, ayaa waxey qeyb ka tahay dalalka kale ee dadaalka ku bixinaya iney dadkooda ka daad gureeyaan dalka Sudan.
Waxay halkaa kusugnaa 91 kamid ah muwaadiniinta dalka Ukraine, sida uu sheegay afhayeenka wasaaradda arrimaha dibadda ee dalkaasi, Oleh Nikolenko.
Waxa uu Facebook ku soo qoray in 64 ka mid ah dadkaasi ay doonayaan inay dib ugu laabtaan dalka Ukraine, waxaana la filayaa inay marka hore yimaadaan dalka Poland.
Shan ka mid ah dadkii lasoo daad gureeyay, ayaa loo qaaday dalka Masar, halka saddex kalena lasoo qaaday, iyaga oo gacan ka helaya dowladda Jarmalka.
