Madaxweyne Farmaajo Oo Kulan La Qaatay Dhiggiisa dalka Uganda
Madaxweynaha Federaalka Soomaaliya Maxamed Cabdullaahi Farmaajo ayaa kulan la qaatay Dhiggiisa dalka Uganda Mudane Yoweri Museveni.
Labada Madaxweyne ayaa ka wadahadlay xidhiidhka laba geesoodka ah ee dhinacyada amniga, dhaqaalaha iyo siyaasadda, iyada oo ay madaxdu isku raaceen adkeynta xiriirka qotada dheer ee ku dhisan iskaashi iyo wax wadaqabsi.
Madaxweyne Farmaajo ayaa ugu hambalyeeyay Dhiggiisa dalkaas Madaxweyne Yoweri Museveni guusha uu ka gaaray doorashooyinkii ka dhacay dalkan, isaga oo u rajeeyey horumar iyo barwaaqo Shacabka iyo dawladda Uganda.
